View source for Can vei la lauzeta mover

'''Can vei la lauzeta''' is one of the most famous pieces in [[troubadour]] repetoire. It was written by [[Bernart de Ventadorn]].

==Original poem==

Can vei la lauzeta mover<br>
de joi sas alas contra.l rai,<br>
que s'oblid' e.s laissa chazer <br>
per la doussor c'al cor li vai,<br>
ai! tan grans enveya m'en ve<br>
de cui qu'eu veya jauzion,<br>
meravilhas ai, car desse<br>
lo cor de desirer no.m fon.<br>
<br>
Ai las! tan cuidava saber<br>
d'amor, e tan petit en sai,<br>
car eu d'amar no.m posc tener<br>
celeis don ja pro non aurai.<br>
Tout m'a mo cor, e tout m'a me,<br>
e se mezeis e tot lo mon;<br>
e can se.m tolc, no.m laisset re<br>
mas dezirer e cor volon.<br>
<br>
Anc non agui  de me poder<br>
ni no fui  meus de l'or' en sai<br>
que.m laisset en sos olhs vezer<br>
en un miralh que mout me plai.<br>
Miralhs, pus me mirei en te,<br>
m'an mort li sospir de preon,<br>
c'aissi.m perdei com perdet se<br>
lo bels Narcisus en la fon.<br>
<br>
De las domnas me desesper<br>
ja mais en lor no.m fiarai;<br>
c'aissi com las solh chaptener,<br>
enaissi las deschaptenrai.<br>
Pois vei c'una pro no m'en te<br>
vas leis que.m destrui e.m cofon<br>
totas las dopt'e las mescre,<br>
car be sai c'atretals se son.<br>
<br>
D'aisso's fa be femna parer<br>
ma domna, per qu'e.lh o retrai,<br>
car no vol so c'om deu voler,<br>
e so c'om li deveda, fai.<br>
Chazutz sui en mala merce,<br>
et ai be fai co.l fols en pon;<br>
e no sai per que m'esdeve,<br>
mas car trop puyei contra mon.<br>
<br>
Pus ab midons no.m pot valer<br>
precs ni  merces ni.l dreiz qu'eu ai,<br>
ni a leis no ven a plazer<br>
qu'eu l'am, ja mais no.lh o dirai,<br>
Aissi.m part de leis e.m recre;<br>
mort m'a, e per mort li respon,<br>
e vau m'en, pus ilh no.m rete,<br>
chaitius, en issilh, no sai on.<br>

[[Category:troubadour]]